Die ultimativi wärchzügroue - made in Bözinge

Sooli, das wär se auso: mini säuberbaschtleti wärchzügroue. Us ökonomischer sicht zwar nid ganz konkurränzfähig zu de handusüebleche produkt, aber derfür säubergmacht. Mit handschrift und charakter. ...u es bitzeli zeichnet isch si o.

Si isch in erschter linie dänkt für uf grösseri toure, oder aus ersatz für e wärchzügchaschte bim umemeche am velo.

 

Aber itz zur sach: So gseet das ding im kompakte modus us.

ca. 10 x 7 x 19cm

 

 

So, viu fäut nümm bis zur grosse enthüuig vom inhaut.

 

 

Was ufe erscht blick nach weni usgseet, entpuppt sech aus es sortimänt vo wärchzüg, wo die meischte reparature am velo zueloot. 

 

 

Im vouschtändig expandierte modus gseet s när so us.

 

Do hätte mr, vo linggs nach rächts:

gabuschlüssle

6, 7, 8, 9, 10, 11mm

luftdruckprüeffer

...wüu er so chly u liecht isch u s no grad het platz gha ir roue

zange

 

cassette lock

zum d cassette dra oder drab z montiere

inbusschlüssle

2, 3, 4, 5, 6mm und e 8er nuss, wo me uf e 6er schlüssu cha schtecke

rougabuschlüssu

besser bekannt aus ängländer

erkka

für aui, wo nid finnisch chöi: gwäbband. das isch urschprünglech nid planet gsy. Dank em klettband-schtreiffe, woni am obere rand vor roue ha aagnääit, sy so erwyterige aber kes problem. Iu, do hani sogar mee überleit aus die ygfleischte wärchzügroue-härschteuer, hehe

resärve-schautkabu

 

schpeicheschlüssu

 

füürzüg

 

baschtu-sackmässer

 

Pitlock-nuss

zum löse vo de redli. Pitlock isch so ne schpezieui muettere, wo me (fasch) nid mit normalem wärchzüg cha uftue, sondern nume mit dr passende derzueghörige nuss

radlagerschlüssle

 

chettenietedrücker

söu mängisch vo nutze sy

kabubinder

die dörffe natürlech nid fääle

 

U hie wär no dr link zu mim Velotröimli